Ronaldo-a'n A in a zuar

English football club Man­chester United aṭanga khawvel footballer ṭha berte zinga rawn invawrh kai thei, Cristiano Ronaldo chuan England-a Alderley Edge khuaa a in chu pound maktaduai 3.25-in a zuar.

Alderley Edge khuaa a in hi Manchester United stadium aṭanga mel 15 hlaa awm a ni a, bedroom panga awmna, chhawng thuma sang a ni. CRonaldo hian a in hralh tur hi kum 10 kal taa a lei a ni a, a lei hunlai chuan pound maktaduai 3.895-a a lei a nih thu kum 2007 Land Registry aṭangin a hriat theih. A leina aia tlawmin a zuar leh mek a ni.

Tunhnai khan Juventus leh Portugal forward CRonaldo hi khawvela instagram aṭanga sum la lut hnem ber a nih thu tarlan a ni a, instagram aṭanga a lakluh zat hi USD maktaduai 47.8 a ni. Instagram aṭanga sum lalut hnem top 10 zingah hian fooballer paruk an lang phak.