Megan Fox leh Brian Austin Green #FIGHT4THEAMAZON Campaign host dawn

Khawvela mobile games lar berte zinga chhal ngam "PUBG MOBILE" leh "Global Green"-te ṭangkawp chuan Amazon ramngaw kang ṭanpui nan,  #FIGHT4THEAMAZON Cam­paign an buatsaih dawn a, hetah hian Megan Fox leh Brian Austin Green-te chu host tura tih an ni.

PUBG MOBILE games siamchhuaktu gaming company Tencent Games chuan #Fight4­The­Amazon campaign hi an fan maktaduai 400 chuangte hnenah Amazon ramngaw kang hi buaipui tham a ni tih an hriatfiah theih nan, a khel tute hnenah pop-up banners, mail leh contest kimchang chu Instagram, Twitter leh Facebook kaltlanga tihchhuah an tum a ni. 

Heng bakah hian Tencent Games chuan Environmental organization Global Green hnenah hian US dollar 100,000 donation an pe bawk. "#Fight4TheAmazon campaign host tur atan American actress Megan Fox leh American actor Brian Austin Green-te kan nei hi kan lawm em em a, kan chenna khawvel humhim turin kan game khel ṭhintute leh khawvel mihringte hi kan ṭanrual a ngai a ni," tiin Tencent Games Global Publishing Depart­ment General Manager, Vincent Wang chuan a sawi.