'Made in Korea' season 2 chhuak dawn

South Korean period political TV series, 'Made in Korea' season hnihna chu kumin September 9 hian Disney+ leh Hulu-ah tihchhuah a ni dawn. Series season 1-ah khan Hyun Bin, Jung Woosung leh Woo Dohwan-te an chang a, season 2-ah pawh hian an role ngai an chang leh dawn.

Season 2 hi season 1 ziaktu Park Eunkyo chuan ziak lehin, season 1 director Woo Minho pawhin season 2 hi a direct leh bawk. Hive Media Corporation chuan a produce a ni. September 9 hian season 2-a episode pahnih tihchhuah a ni dawn a, September 23 thleng Nilaini apiangin episode pahnih zel tihchhuah a ni bawk ang. 'Made in Korea' season 1 kha nikuma Korean original series Disney+ a tihchhuah zinga Asia-Pacific region-a entu ngah ber a ni.

Korean drama zinga Disney+ leh Hulu-a tihchhuah tur zingah 'A Shop for Killers' season 1 leh 2, 'The Manipulated' leh 'Tempest' te pawh an tel.