2027 Met Gala theme tur puan a ni ta!

Fashion khawvela thil thleng lian ber pawla chhal ṭhin, Met Gala 2027-a neih tura theme puan chhuah a ni ta. Nakkum-a Metropolitan Museum of Art, New York City-a Met Gala-ah hian British designer ropui leh hmingthang John Galliano pualin theme hman a ni dawn a, 'John Galliano: Horizons" tih a ni dawn.

Tarlan danin, 2027 Gala hian Galliano-a kut chhuak leh fashion khawvela a hnuhma chhuanawm tak takte a pholang dawn a ni. Dior leh Maison Margiela a thawhpuina te thlenga pho lan tura ruahman a nih avangin fashion lawmte tan chuan nghahhlelhawm tak a tling awm e.

Met Gala hi kum tin New York khawpuia Metropolitan Museum of Art-ah neih ṭhin a ni. Nakkuma theme atana Galliano pual hman tur hi Met-in designer damlai hnathawh chawimawina puala an hman vawi thumna a ni ang. Galliano hma hian Yves Saint Laurent pualin kum 1983 leh Rei Kawakubo of Comme des Garçons pualin kum 2017 khan theme siam a lo ni tawh bawk.