August-ah JYP girl group thar

South Korean multinational entertainment leh record label, JYP Entertainment hnuaia rookie girl group thar ber, OURBIRTHDAY chu August 19 hian official-in an debut dawn. He girl group-ah hian full member pasarih awmin, unit hrang pahnih, Side A leh Side B an awm bawk.

August 4 khan OURBIRTHDAY hian introduction film, '[SYSTEM] CONNECTION ESTABLISHED' tih chu an official social media-ah an post a ni. OURBIRTHDAY hi kum li hnua JYP Entertainment hnuaia girl group an debut lehna hmasa ber a ni a, agency hnuaiah hian NMIXX, Wonder Girls, miss A, TWICE leh ITZY-te an awm. Full-group debut an neih hma hian member-te chuan pre-debut activity hmangin Side A leh Side B inhmelhriattirna an nei a, music show-ah te an inlan bawk a ni.