PM Modi leh Netflix Co-CEO Ted Srandos in "Netflix India Storytelling Initiative" tlangzarh

Netflix Co-CEO Ted Sarandos chuan Nilaini khan India prime minister Narendra Modi chu New Delhi-ah hmuin, India-a talent tharte chher chhuahna tur 'Netflix India Storytelling Initiative' an tlangzarh. He ruahmanna hian ṭhalai talent nei ṭhate zinga visual effects (VFX), animation, gaming leh comics siam thiam chher chhuah chu a tum ber a ni. India-a Netflix kum 10 a tlin lawmna kal zelah he hmachhawp hi duang a ni.

A thawh khatna atan Netflix hian Indian Institute of Creative Technologies (IICT) thawhpuiin VFX leh media technology thiamna a zirtir dawn a, zirlai 100 hnenah scholarship a pe ang. National Film Development Corporation (NFDC) nen ṭangdunin, mit leh beng harsatna nei te tana film leh show-te fiah zawka a thlen theih nan audio description pe tu te zirtirna a pe tel bawk ang.