Disney leh TikTok-in inremna siam

Disney leh TikTok chuan inremna siamin, creator-te chuan an video-ah Disney film clip bakah subsidiary-te pawh an hmang thei dawn a ni. Star Wars, Toy Story leh Marvel Cinematic Universe franchise hit tak tak clip-te chu video-ah hman theih a ni thuai dawn a, hei hi Disney short-form video platform, Verts-ah pawh hman a ni ang.

He scheme hi khawvel ram hrang hranga hman theih tura tihchhuah a nih hmain, US ah tlangzarh hmasak a ni ang. Company pahnihte chuan sum chungchang erawh an puangzar tel lo. He inremna hi kumin March thla khan cancel a ni a, mahse tunah chuan fan-ten he scheme hi an hmang thei tawh dawn a ni. TikTok chuan nikum khan an platform-ah hian nitin film leh TV kaihhnawih post mtd 6.5 vel a awm tih an sawi. Fan-te chuan film leh TV show clip-te an video-ah an hmang uar tih sawiin, mahse phalna nei loa hman a nih tlangpui ṭhin avangin an video-te platform aṭanga paih chhuah leh a ni ṭhin tih an sawi bawk.