Zaninah Mizo film thar 'TLAIZAWNG (Ka beiseina chelhtu)'

Film Industry lama hun rei tak an thawm a reh hnuah, Zote Entertainment chuan zanin hian film thar, 'TLAIZAWNG (Ka beiseina chelhtu)' chu Vanapa Hall-ah an tlangzarh dawn. Social Welfare Women and Child Development Department changtu Minister Lalrinpuii'n a tlangzarh dawn a ni.

He film-ah hian a changtuah hmel thar deuh vek kan hmu dawn a; Esther Tlau, Saitual nula leh Hriatpuia te chu a changtu berte niin, anni bakah Mizo Film lama duai lo tak, Nu Machhungi chuan misual character a rawn chang thung ang. C. Lalbiakdiki (Bdee), Maawma Ngente, Awmawmi khawlhring te an rawn inlan bawk.

'TLAIZAWNG' hi a tak bechhana siam niin Mizo Society darthlalang pawimawh tak anih a beisei thu Director Mike-a chuan a sawi. A changtute mithar deuh vek mah ni se acting ah an duai lo a, an talent neih ṭhatzia kan hmu thei dawn. He film hi Mike, Zote Entertainment direct leh ziah niin Kevin Lalruatfela chu Asst. director a ni a, Women and Child Development Mizoram in an Sponsor a ni. Mizo Clothing Brand Traditional Twist, Nova vita, I_Kollect leh Milton’s Kitchen ten an thawhpui bawk. Zanin dar 8 hian Lersia Play leh Runmawi ahte en theiha chhawp chhuah a ni nghal ang.