FX drama-ah Avi Nash

American actor, 'The Walking Dead' star Avi Nash chu FX series, 'Disinherited' ah a chang dawn. Nash hi tun hnaia a changtu ber tur zinga puan Victoria Pedretti leh Kiera Allen-te nen an chang ho dawn a, anni bakah Alan Ruck, Katja Herbers, Eddie Marsan leh Jonathan Higginbotham-te pawh a changtu tur zingah an tel.

Nash hi tunah hian Apple TV series, 'Silo' ah Lukas lem a chang mek a, he show hi kum 2023 khan tihchhuah ṭan a ni. Tunhnai khan drama feature 'The Weight' ah Ethan Hawke leh Russel Crowe-te nen chang hoin, he drama hi Sundance Film Festival-ah premiere niin, kumin September thla hian theatre-ah tlangzarh a ni ang. Nash hi AMC series 'The Walking Dead' a Siddiq lem a chan hmangin mipui ngaihven a hlawh chho a, 'Silcon Valley', 'There There' leh 'Learning to Drive' ah te pawh a chang bawk.