Film industry lamah YoungFella a zuang lut ve ta

Mizo rimawi huanga thawm nei lian leh huhang ngah, YoungFella chu rimawi piah lamah lemchan lamah a zuang lut ve leh ta. YoungFella hi film thar chhuak tur "Hringnun Pahnih" tihah role pawimawh changin Mizo Film Industry huangah a thiamnate a rawn lantir dawn a ni. Film teaser hi zanin hian Fanai Pictures IG account lamah tihchhuah a ni nghal dawn a ni.

"Hringnun Pahnih" tih hi Fanai Picture kutchhuak niin F. Lalrindika direct a ni a, an production hnuaiah hian feature movie panga an tihchhuahna tur a ni. Film-ah hian YoungFella-in role pawimawh a chan bakah, lemchan huanga sulhnu nei ṭha tak tak Ruthy Chenkual, Nu Machhungi, Pu Dena, Mendal, Puipuii fanai, Esther Hadasi, Adama, leh Pu Hruaia te hmel kan hmu dawn bawk.

Youngfella chuan, “He movie hi ka tan a pawimawh hle a, ka tan mellung pawimawh tak niin, ka document pawimawh tak a ni ang. Ka theihtawp ka chhuah ve a, thlirtute’n engtin nge min hmuh dawn chu ka hre lo a, confi a har ve hle. Chutih rualin, kan movie hi a hmuhnawm dawn hle a, Zoram mipuite’n min lo ensak vek turin ka sawm bawk e” tiin a sawi a, harsatna a awm loh chuan kumin September 25 khian tlangzarh hman tum a ni.