Fortnite Icon Series-ah Addison Rae tel thar

American Singer leh actress ni bawk Addison Rae chu Epic Games kutchhuak Fortnite game-a mi lar hrang hrangte character an siam ṭhinna, 'Fortnite icon Series' ah a tel thar dawn tih Ningani khan an puang. Kumin June khan Olivia Rodrigo pawh he game Icon series-ah hian thawhpui a lo ni tawh bawk.

Rae chuan Icon series-a a tel tur chu lawmawm a tih thu leh High School an kal laia a khelh ve nasat ṭhin thu a sawi. A nau pawhin a khel ṭhin tih a sawi a, a nau lakah intihtheih khumna tur a nei dawn ta tih Teen Vogue in a kawmnaah a sawi. Rae character hian a hla "Fame is a Gun" music video-a a thuamhnaw hak angte a ha dawn a, hei bakah in-game accessories hrang hrang a chhawm tel nghal dawn a ni.