‘FNaF’ -in dawr tak tak Freddy Fazbear’s Pizza hawng dawn

Khawvel huapa ṭhalai leh gamer-te ngainat, horror game leh film hlawhtling 'Five Nights at Freddy's' (FNaF) aṭanga kan hriat lar 'Freddy Fazbear's Pizza' chu a tak takin hawn a ni dawn ta. USA, New Jersey-a American Dream entertainment complex chuan kum 2027 khian a tak ngeia tlawh theih turin he restaurant hi an hawng dawn tih an puang.

He pizzeria hi game siamtu ScottGames nen ṭangkawpa siam a ni a; Lemchan set satliah niloin, pizza tui tak, arcade games leh game chhunga animatronic robot hmingthang—Freddy, Fazbear Band leh Foxy the Pirate-te stage show entir ṭhin tur a ni bawk. Game mamawhtute tan horror multiplayer experience te pawh buatsaih a ni ang.

Kum 2014-a a chhuah aṭanga vawiin thlenga ṭhalai tam tak ngaihnat hlawh 'Five Nights at Freddy's' hi a taka tlawh theih permanent restaurant atan a puitling dawn ta hi khawvel hmun hrang hranga FNaF fan-te tan chuan thil phurawm leh hlimawm tak a ni ngei ang.