'Camp Rock 3' ah Demi Lovato inlan dawn

American singer-songwriter Demi Lovato chu, 'Camp Rock 3' ah a role ngai Mitchie Torres lemah a chang leh dawn. He thu hi Thawhṭannia Los Angeles-a premiere event-ah puan a ni. Movie hi Ningani hian Disney Channel-ah tihchhuah a ni dawn a, Zirtawpni aṭangin Disney+ ah stream theih a ni ang.

Lovato hi 'Camp Rock 3' executive producer zingah a tel tih puan a lo ni tawh bawk. Original 'Camp Rock' movie kha kum 2008-ah tihchhuah a ni a, kum 18 hnuah a role ngai a chang leh ta a ni. Movie franchise-ah hian Jonas Brothers-te pawh executive producer niin, an role ngai an chang leh a, Maria Canals Barrera pawh Mitchie nu, Connie lemah a chang leh bawk.

'Camp Rock 3' hi Veronica Rodriquez chuan Eydie Faye screenplay hmangin a direct a, executive producer zingah hian Tim Federle, Betsy Sullenger, Spencer Berman leh Gary Marsh-te pawh an tel a, Disney Kids & Family chu producer a ni.