Ronaldo leh Georgina te'n 'tiam tlat e' ti ve ta!

Football sawi apianga a hming lam rik tawh tur, record ropui tak tak siamtu Cristiano Ronaldo leh hun rei tak chhung a lo kawp tawh Georgina Rodrigues-te chuan Thawhlehni khan 'tiam tlat e' tiin nupa tak takah an insiam ta. CR7 leh Georgina-te hian puan lawk awm loin Portugal tuipui kam hnaiha awm, Cascais-ah an inkutsuih a ni.

Khawvel infiammi ropui, CR7 nupui neihna hi Portuguese media lam chuan 'wedding of the year' ti hialin an sawi. An inneih thu hi social media lamah tuak tharte hian zungbun bunna an kut thlalak an post hmangin an rawn puangzar a ni. Fa panga–Cristiano Jr bakah phir Eva leh Mateo; Alana Martina, leh Bella Esmeralda-te an nei.

Ronaldo te inneih hi mi tam tak chhim theih tura tih a nih loh bakah inneih hunserh-ah hian an fate panga chiahin an telpui bawk. Hetih lai hian social media lamah AI hmanga footballer dangte an inneihnaa tel ve niawm taka siam danglamte a darh zui nasa hle.