'Princess Diaries 3' ah Julie Andrews chang tawh dawn lo

English actress Julie Andrews chuan, American actress Anne Hathaway nen an chan dunna, 'The Princess Diaries 3' ah a chang tawh dawn lo tih a sawi. Kum 90 mi Andrews hian movie-a a role Queen Clarisse chang leh tura sawmna chu a hnawl tih InStyle magazine a hrilh. 'The Princess Diaries' hmasa ber kha kum 2001-ah tihchhuah a ni a, kum 2004 khan 'Princess Diaries 2: Royal Engagement' tihchhuah leh a ni.

Andrews hian lemchan lam hi kum eng zat a chawlhsan tawh a, mahse kum 10 liam ta chhung khan movie hrang hrang; 'Minions: The Rise of Gru', 'The King's Daughter' leh 'Aquaman' ah te a aw a lo thawh tawh a, hei bakah television series 'Bridgerton' ah a inlan bawk. Netflix series 'Lady Whistledown' narrate nuam a tih thu leh, a thluak tihchakna atan a hman thu a sawi.

Kum 2022 November thla khan Disney chuan 'The Princess Diaries 3' siam a ni dawn tih an lo puang tawh a, Hathaway chuan Andrews chu chanpui leh a duh thu a sawi bawk. Mahse, Andrews hian a chawlhsan tawh thu a sawi chiang ta a ni.