Nashville Songwriters Hall of Fame-ah Taylor Swift

American singer-songwriter, Taylor Swift chu Nashville Songwriters Hall of Fame-ah kumin favangah lak luh a ni dawn tih Thawhlehni khan puan a ni a, he hall of fame-a lak luh tawh zinga naupang ber a ni dawn a ni.

Hemi chungchanga thuchhuah a siamah, Swift chuan a naupanlaia hla a phuah ṭan tirh aṭangin Nashville chu awmna tur hmun ṭha ber a nih thu a sawi. Community-a storyteller zinga a ṭha ber pawl ni tura inzir a duh thu sawiin, Nashville chu a suangtuahna a tak rama chantirtu a nih thu leh, thawhrimna, tumruhna leh suangtuahnate ngai pawimawhtu a nih thu a sawi. He khuain chawimawina an hlan tur chu a lawmthu a sawi bawk.

Swift hi kumin June thla khan Songwriters Hall of Fame-ah lak luh a lo ni tawh bawk a, hmeichhe writer lak luh zinga naupang ber a ni bawk.Nashville hall-ah hian kum 20 emaw a aia rei emaw hla phuahtute chawimawina category hmanga lak luh a ni. Hall-a lak luh tur dang an puan zingah Lyle Lovett, Shawn Camp, Lee Thomas Milller leh Bruce Channel-te pawh an tel.