Nicholas Hoult-a'n Gilderoy Lockhart lem chang dawn

English actor Nicholas Hoult chu HBO TV series, 'Harry Potter' season hnihnaah Gilderoy Lockhart lem a chang dawn. Series hi kumin December 25-ah season khatna, 'Harry Potter and the Philosopher's Stone' novel series behchhana siam nen tihchhuah a ni ang.

Show season hnihna hi, 'Harry Potter and the Chamber of Secrets' behchhana siam a ni bawk. Lockhart hi 'Chamber of Secrets' a character pawimawh ber niin, kumin 2002-a tihchhuah, 'Chamber of Secrets' ah khan Kenneth Branagh chuan a chang a ni. Hoult hian he character a chan hmang hian franchise lian thama a inlanna thar lam ber a ni.

Hoult hian X-Men film eng emaw zatah Dr. Hank McCoy/Beast lem a chang tawh a, tunah hian James Gunn DC Studio film-ah Lex Luthor lem a chang mek bawk. Nikum khan 'Superman' movie-ah Lex Luthor lemah changin, kum 2027-a tihchhuah tur, 'Man of Tomorrow' ah a role ngai a chang leh bawk ang.