'XMF 2026' music festival-ah DAY6 leh ONE OK ROCK

South Korean pop rock band DAY6 leh, Japanese rock band ONE OK ROCK chuan XMF 2026 music festival-ah an perform dawn tih an puang. He event hi kumin October 3 leh 4-ah Incheon Paradise City complex-ah buatsaih a ni ang.

Event buatsaihtute chuan DAY6 leh ONE Ok ROCK-te hi October 4-ah an perform dawn tih an puang. Japanese singer Mika Nakashima chu October 3 hian a perform bawk dawn a ni. Festival neih ni hmasa zawkah hian Ado, LUCY, YOUNHA, coldrain, FTISLAND, hrtz.wav, My Hair is Bad, Novelbright, ONEWE leh PEOPLE 1-te pawh perform tur zingah an tel. Festival ni hnihnaah hian DAY6 leh ONE OK ROCK bakah YB, Ae! group, Hi-Fi Un!corn, Marcy, Saucy Dog, THE FIX leh YURINA HIRATE-te an perform dawn a, music genre hrang hrang; rock, indie leh alternative lam a ngaihthlak theih dawn a ni.

XMF 2026 hi Xnterstellar Music Festival 2026 tihna a ni a; he festival hi South Korea leh Japan music industry hmanga hnam zia leh nunphung inpawhna lantirna atana buatsaih a ni a, XMF organizing committee leh NPO Japan-Korea Cultural Exchange Association-ten an huaihawt a ni.