Facebook-in Creator-te tan standalone App leh AI Tool a tlangzarh

Social media giant Meta chuan Facebook platform-a content creator-te tana hmanraw changtlung ber ni turin 'Creator Studio' app thar a tlangzarh ta. He app tharah hian content siam leh enkawl awlsamna tur Artificial Intelligence (AI) hmanrua hrang hrang a tel.

Creator Studio app thar hian video edit, caption ziahsak, hashtag tur duan chhuah leh content viral theih dan tur thlir lawkte a tihawlsamtir hle. Mipui thil thlir dan leh engagement data te pawh chiang zawkin a thlirlawk theih a, ṭhalai digital content maker-te tan hmanraw ṭangkai tak a ni ngei ang.

Meta hian platform dang te nena inelnaa hmahruaitu nih zel leh ṭhalaite hmasawnna tur hmanraw thar siam, puih zel a tum thu a tarlang. He application hi Android leh iOS hmangtute tan tlangzarh tawh a ni a, a thlawna hman theih a ni bawk.