Hayley Williams band-in 'EP2' tlangzarh

American singer-songwriter Hayley Williams band, Power Snatch chuan an project pahnihna, 'EP2' tih chu Bandcamp-ah an tlangzarh. 'EP2' ah hian hla pali a awm a, chungte chu 'Machete', 'New Legs', 'Born Dead' leh 'Hell is Highway' tihte an ni. An group hian Instagram-ah project hi puangin, an hla 'Machete' chu kum 1973-a animated art film, 'Fantastic Planet' footage hmangin an siam a ni.

Williams hian kumin kumtir lam khan Power Snatch hi official-in a tlangzarh a, Apple Music-ah Power Snatch band member, Daniel James nen show an host a ni. Power Snatch hian nikum December thla khan Bandcamp-ah an single hmasa ber 'DMs' an tichhuak a, hemi hnuah Apple Music-ah 'Assignment' tichhuak lehin, kumin February thla khan 'EP1' an tichhuak bawk. June thla khan Power Snatch chuan single pahnih- 'Great' leh 'Training' tih chu Tiberius b nen an tichhuak bawk.