Mizoramah Mahindra lirthei vohbik Scorpio N chhuak thar tlangzarh

Mana Motors showroom, Bawngkawn, Aizawlah nimin khan Mizorama hralh chhuah turin Scorpio N chhuak thar tlangzarh a ni. Tlangzarh inkhawm hi CID changtu Deputy Inspector General of Police Lalzahngoa'n a hmanpui a, Mana Motors neitu Dr Franklin Lalrinngheta te chhungkuain an khuh hawng a ni.

June 2002 khan Scorpio tlangzarh a ni a, Mahindra-in hming an chherna lian tak a ni. Kum 20 a tlin hnu June 27, 2022 ah changkang leh huap zo leh zual turin Scorpio N a tichhuak a, hemi rual hian Scorpio Classic a kalpui zui zel tho a ni. Thla liam ta thleng khan Mahindra-in Scorpio chi hrang hrang nuai 13.5 chuang a hralh tawh a, July 2026-ah 16,000 chuang hralhin lirthei a siam chhuah zinga a hralh hnem ber a ni.

Scorpio N chhuak thar hi diesel leh petrol engine hmang duhthlan tur awmin gear thlak chawp chi leh automatic a awm bakah a ke hnung pahnihin a nawr kal (rear wheel drive) leh a ke zawng zawngin a nawr kal (four-wheel driver) a awm. Petrol engine hmang zingah a man tlawm ber Rs 12,66,873 niin a to ber Rs 25,72,249 a ni. Diesel-ah a tlawm ber Rs 16,18,159 niin a to ber Rs 28,36,487-in a lei theih ve thung.

SCORPIO N CHHUAK THAR

- Chhuak hmasaa awm lo, a chhung hma lamah inchi 12.3-a hlai touchscreen, wireless Apple CarPlay leh Android Auto a awm bakah driver tan inchi 10.25-a hlai digital display a awm a; driver puitu degree 540 camera system a awm. Car chungah sunroof hlai panoramic dah a ni a, alloy wheel dual-tone inchi 18-a hlai vuah a ni.