Instagram-in an wordmark logo thlak

Meta platform enkawl social networking service, Instagram chuan kum 10 hnuah an wordmark logo chu Ningani, August 13 khan an thlak. Wordmark logo thlak a nih thu hi Instagram head Adam Mosseri chuan Instagram leh Threads-ah a puang a ni.

Instagram-in an logo design an update hnuhnun ber chu kum 2016 kha a ni a, company hian rainbow stripe classic brown camera aṭangin tun thlenga icon la ni reng, colorful pink gradient-ah an thlak a ni. Instagram head Adam Mosseri chuan, App wordmark chu kum 10 chhung thlak danglam a la ni lo tih sawiin, hei vang hian felfai leh tunlai zawka siam thar an duh thu a sawi. He wordmark logo thar hi mi ṭhenkhatin ṭha an tih laiin, ṭhenkhat chuan an duhthu a sam loh thu an sawi ve bawk.