Governor's At Home-ah zaithiam 'mi bik' an inlan

August 15, Inrinni khan Independence Day pualin Larsap Gen. Dr Vijay Kumar Singh-a chuan a chenna Lok Bhavan-a Circular Lawn-ah Governor's At Home a buatsaih a; hei hi sawm bikte chauh tel theihna a ni.

Governor's At Home hi Larsap te nupain an thleng a; chief minister Lalduhoma, chief minister hlui pahnih Lal Thanhawla leh Zoramthanga, Assembly speaker Lalbiakzama, MLA, sorkar officer te, chanchinbumi te, kohhran leh tlawmngai pawl lian hruaitute an tel. Infiamna leh zai lama langsar bik tlem azawng an tel bawk.

At Home-ah hian Siampuii Ralte leh Jaui te zaiin mipui an àwi a; Eklavya Model Residential School (EMRS) Tlangnuam zirlaite'n hla mawi danglam tak leh an rem. Neuhof School zirlaite'n rimawi lemchan (musical drama) changkang leh hmuhnawm tak an entir bawk.

Governor's At Home-ah hian tun hma zawng chuan state siam leh function neih a ni ngai lo. Kumin Republic Day aṭang khan function neih ṭan a ni a, Mizo zinga zaithiam, mi bik takte zai tura sawm niin, kumin R Day-ah chuan Esther Hnamte a inlan nghe nghe a ni.