Sid Wilson-a'n Slipknot chhuahsan

American DJ leh keyboardist, Sid Wilson chuan kum 30 dawn hnuah American heavy metal band Slipknot a chhuahsan. Slipknot chuan an Instagram account-ah thuchhuah siamin, Sid Wilson an thawhpuina an tihtawp thu leh, a hma hun atan duhsakna an hlan thu an tarlang. Wilson leh Slipknot hi kum 1998 aṭang khan an thawk ho a ni.

Wilson-a'n band a chhuahsan thu hi July thla tawp lam khan report a ni tawh a, a chhuahsan chhan erawh tarlan a ni lo. Kum 2023 khan band keyboardist Craig Jones chuan a lo chhuahsan tawh a, backing vocalist Chris Fehn chuan kum 2019 khan a chhuahsan tawh bawk. Band original drummer Joey Jordison chu kum 2021 khan a thi a, kum 2020 khan Paul Gray a thi bawk a ni.

Slipknot hian album an tihchhuah tawh zingah 'Slipknot,' 'Iowa,' 'Vol. 3,' 'All Hope Is Gone,' '.5: The Gray Chapter,' 'We Are Not Your Kind' leh 'The End, So Far,' te an tel. Live performance an neih hnuhnung ber chu nikum July thla khan a ni a, Ohio-a Inkcarceration, music leh tattoo festival-ah a ni.