Nakkum November-ah 'Frozen 3'

Disney chuan nakkum November 24 hian theatre-ah 'Frozen 3' a tlangzarh dawn. Film hi fictional land Arendelle-a chan a ni a, voice actor zingah Kristen Bell chuan Anna aw a thawh dawn a, Idina Menzel-i'n Elsa, Jonathan Groff-a'n Kristoff leh Josh Gad-a'n Olaf aw a thawh a ni.

'Frozen 3' kalhmang tur hi puan chian la awm lo mah se Anna leh Kristoff-te chu an innei tawh a, villain thar an awm bakah Olaf pawhin hmangaih thar Samantha a tawng tawh bawk. Disney chuan 'Frozen 3' concept art, Britney Lee kut chhuak chu kum 2024 August thla khan an lo pholang tawh a ni.

'Frozen' hmasa ber kha kum 2013-ah premiere a ni a, Chris Buck leh Jennifer Lee-te chu co-director an ni. Film hi Hans Christian Andersen kut chhuak, 'The Snow Queen' behchhana siam a ni a, khawvel pumah USD tld 1.3 la lutin, Oscars award pahnih a dawng a, chung zingah chuan Best Animated Feature a tel. Buck leh Lee chuan kum 2019 khan sequel siam lehin, USD tld 1.45 a la lut bawk.