Hayden Panettiere sulhnu ropuite

American actress leh singer, Hayden Panettiere kum 36 mi nia Pathianni, August 16-a thi ta khan lemchan lamah sulhnu ropui tak tak a nei a ni. Panettiere hi kum 1994 aṭang khan lemchan lamah a inlan ṭan a, soap opera 'One Life to Live'-a episode 27-ah a inlan a ni. Hemi hnuah 'Guiding Light' ah a inlan leh bawk. Kum 2000 khan 'Remember the Titans' ah changin, mipui hriat a hlawh ṭanna niin, kum 2006-ah 'Heroes' ah Claire Bennett lemah a chang leh a ni.

Panettiere hi 'Nashville' tiha Juliette Barnes lema a chan hmangin Golden Globe-ah nominate a ni a, kum 2012-2018 chhung khan episode 128-ah a chang. Kum 2011 khan 'Scream 4' ah Kirby lem a chang a, fan-ten a character an ngainat avangin kum 2023 khan 'Scream VI' ah a chang leh a ni. Hei bakah nikum February 26-a thi ta Michelle Tranchtenberg nen 'Ice Princess'-ah an chang dun a, 'Bring It On: All or Nothing' ah a inlan bawk. Panettiere hi New York-a Palisades-a seilian a ni a, a nu hi soap opera actress niin, a pa hi fire captain a ni. A naupan laia TV show-a a inlanna zingah 'Ally McBeal' leh 'Malcolm in the Middle' te an tel. Kumin May thla khan a lehkhabu ziah hmasak ber 'This Is Me: A Reckoning' a tlangzarh bawk.