Megan Thee Stallion leh Interscope Records thawk dun

American rapper-songwriter Megan Thee Stallion chuan Interscope Records nen an thawk dun tih a puang. Inremna an siamah Megan hi independent artist a ni chhunzawm dawn a, a kut chhuak neitu nihna a nei chhunzawm dawn bawk. Interscope chuan music a tlangzarh turte chu Hot Girl Productions hmangin khawvel pumah an tichhuak dawn a ni.

Megan hian kum 2024 February thla khan Warner Music Group nen inremna an lo siam tawh a, a Hot Girl Productions single hmangin music tihchhuah a ni. Interscope nena inremna an siam ang bawkin, Warner nen inremna an siam hmang hian company chuan a music-te a chawilar sak rualin indie artist a nih phalsak a ni bawk. Megan chuan a duhthusam anga music siam a duh thu leh, industry pawn lam thleng huang zauh a duh thu a sawi. Interscope nena distribution partnership an siam hmang hian a hmathlirte a tihlawhtling thei dawn a, khawvel puma a rimawi chawilar kawnga a puih theih avangin a phur tawh thu a sawi.