December-ah 'Fast Forever' shooting ṭan dawn

American actor leh filmmaker, Vin Diesel chuan 'Fast Forever' shooting chu kumin December thla hian neih ṭan a ni dawn tih 'The Fast and the Furious' 25th anniversary screening neihnaah a sawi. Finale siam tur hian writer hran pali leh kum li hman a nih thu sawiin, kar hnih liam ta khan a script a chhiar tih a sawi.

'The Fast and the Furious' screening neihnaah hian Diesel chuan a entu mipuite hnenah 'Fast Forever' script chuan a mittui a tih tlak thu a sawi. Kum li hnuah an thawhrimna chu a taka chantir theih a ni dawn ta tih a sawi bawk. 'Fast Forever' hi series 11-na leh final mainline film tur a ni a, kum 2028 March 17 hian theatre-ah tlangzarh a ni ang. 'Fast & Furious' hi Universal-a franchise kalpui rei ber tawh a ni a, khawvel pumah USD tld 7.3 a la lut tawh a ni.