YouTube-in an platform-a view an chhiar dan an thlak

YouTube chuan Thawhṭanni khan tun thla August 24 aṭang khian an platform-a video, shorts leh Live stream zawng zawngte 'view' chhiar dan a thlak dawn tih a puang. An platform-a video reng reng chu play ṭan a nih emaw Live broadcast en ṭan aṭangin view hi pakhat ang zelin a chhiar tawh dawn a ni.

Hmalakna thar hi khawvel pumah hman a ni dawn a, 'metrics confusion' awm ṭhin hlip tur leh platform dang TikTok leh Instagram Reels ten view an chhiar dan nen a inan theih nana ruahman a ni. Tun hmaa chhiar dan phungah chuan video pangngai leh live stream te chu second 30 aia rei lo an en chuan view anga chhiar tel a ni lo ṭhin.

View kalphung thar hi hman a nih hunah chuan YouTube creator-te tan nasa takin an view neih zat a pung duai thei dawn a ni. Mahse, channel pawisa hmuhna tura monetization leh YouTube Partner Program dawn chungchangah hi chuan tihdanglam a awm dawn lo thung. Pawisa lak luh tumte tan a tlem berah channel pakhat hian watch hour 8,000 emaw shorts-ah view ni 90 chhungin maktaduai 20 a neih a ngai dawn a ni.