Andy Murray 'pa' a ni leh ta

Britain tennis star Andy Murray chu a nupui Kim Sears chuan a vawi thum nan nau a hrin sak leh ta a, kar hma­sa khan British nupa lar te hian an fa pathumna hi an lawm. 

Sir Andy Murray te hian kar hmasa khan fapa hi an nei a, mahse tun hnaiah an chanchin lawmawm hi khawvel hriat turin an puang chhuak ve chauh a ni. Andy-a nu Judy Murray chuan tupa thar a neih thu hi puangin, "Mi naupang duhawm leh hrisel ṭha tak a ni," a ti a, "Hmeichhe naupang duhawm tak pahnih bakah tupa duhawm tak kan nei leh ta hi kan hlim hle a ni," tiin a sawi. 

Kum 32 mi Sir Andy leh Kim te hi kum 2015 khan Andy-a seilenna Dunblane-ah an innei a, fapa an neih hma hian fanu pahnih, kum thum mi Sophia leh kum hnih mi Edie an lo nei tawh. Grand Slam vawi thum champion tawh Murray hian khelmual pawn lama chanchin lawmawm a neih rualin October khan khelmual chhungah chanchin lawmawm a nei a, Stan Wawrinka hnehin European Open nomawi a chawi.