TikTok-in smartphone thar siamchhuak

Android social media video app TikTok siamtu Chinese tech giant ByteDance chuan  smartphone thar Smartisan Jianguo Pro 3 (Nut Pro 3) an siamchhuah thu an tarlang.

Kumin July thla khan ByteDance-in smartphone thar an siam tur thu hi chanchinbu hrang hranah tarlan a ni fo a, tunah chuan a tak takin an rawn siamchhuak ta a ni. China-ah chauh la zawrh chhuah rih a ni a, a man zat hi Chinese yuan 2,899 ($412) a ni. He phone thar hi TikTok video siam ṭhintute tan chuan an duhthusam a ni ngei dawn a ni. 

A len lam hi 6.39-inch full HD+ AMOLED display a ni a nga, Processor atan hian Qualcomm Snapdragon 855+ a hmang ang. A RAM hi 8/12GB a ni dawn a, Rear camera atan 48-megapixel primary sensor + 13-megapixel, wide-angle + 8-megapixel telephoto + 5-megapixel macro lens leh Front camera-ah hian 20-megapixel, a Battery: 4,000 mAh leh Software atan Smartisan OS 7 a hmang ang.