EXO an lo kir dawn

Korean pop band, EXO-te chu tun thla ni 27-ah music khawvela an lo kir leh dawn thu an music producer, S.M. Entertainment chuan a tichiang ta.

EXO te hi music khawvelah hian rawn kir satliah an tum lo a, an logo thar leh an studio album 7-na tur 'Obsession' nen rawn kir an tum a ni. An album hi lei theih turin  CD, digital download leh streaming audio-te tihchhuah a ni ang.

Kumin hian EXO member-te hi an buai hlawm em em a, an member zinga mi Suho, Baekhyun, Chen, Chanyeol, Kai leh Sehun-te chuan an album pangana "EXO Planet 5: EXplOration" chu Asia lamah tour an neih pui mek a, hemi hnu hian Indonesia khawpui Jakarta-ah ni 23 khian an zai leh dawn a ni.