Camp Flog Gnaw-ah Tyler, the Creator, Future leh Leon Thomas

American rapper leh record producer, Tyler, The Creator chuan kumin November 14-15-a Los Angeles-a Dodger Stadium-a a buatsaih tur, 12th Camp Flog Gnaw festival-a perform turte chu website kaltlangin a puang. Perform tur zingah hian Future, Steve Lacy, Leon Thomas, Audrey Nuna, Lola Young, Wallows, Turnstile, Vince Staples, Don Toliver, Latin Mafia, Magdalena Bay, Earl Sweatshirt leh Mike, Domo Genesis leh mi dang eng emaw zat an tel.

Kumtina neih ṭhin he festival-ah hian nikum khan A$AP Rocky, Clipse, Clairo, Childish Gambino, Doechii, Sombr, Thundercat, Malcolm Todd-te an perform a ni. Tyler hian kum 2012 September thla khan Camp Flog Gnaw Carnival buatsaih ṭanin, hemi ṭum hian Lil Wayne, Trash Talk leh Odd Future-te an perform a, festival hi neih chhunzawm zel a ni ta a ni.