Spotify-in feature thar ‘Playlist Notes’ tlangzarh leh ta

Rimawi ngainatute tana streaming platform lian, Spotify chuan thla khat liamtaa 'User Notes' feature an tlangzarh hnuah, user ten an playlist siama an ngaihdan an tarlan theihna tur 'Playlist Note' feature chu Thawhṭanni khan an tlangzarh leh ta.

Feature thar hmang hian hla duhzawng, podcast leh audiobook ngaithla ṭhinte chuan eng hla nge an thlan tih leh eng vangin nge an duh tih te note tawi te in an ziak lang thei tawh dawn a ni. Hla buatsaihtute bakah hla ngaithlatu, user pangngaite pawhin an hla thlante an duh chhan leh a thawnthu awmte an tarlang thei tawh ang.

A tirah Today’s Top Hits leh RapCaviar te thlengin editor te note hi hmuh theih a ni ang a; US, UK leh Canada-ahte hman ṭan theih tawh a ni. Feature thar hi Spotify-in a elpui Apple Music leh YouTube Music-te tana el phak harsa tura a hmalakna pakhat a ni. Company-in Q2 report-a an tarlan danin Spotify hian man chawia hmangtu subscriber mtd 300 nei tling tawhin thla tin active user mtd 777 a nei tling tawh bawk.