U.S. Army member ṭhenkhatte 'GTA 6' khel turin ni 4 chawlh pe

United States-a Fort Stewart-a U.S. Army 3rd Infantry Division chuan, sipai ṭhenkhatte chu kumin November thlaa tlangzarh tur 'GTA 6' khelhna hun an neih theihna atan ni li chhung chawlh pek an nih tur thu an puang. Division chuan he offer hi kumin August 1 leh November 14 inkara kum hnih leh kum ruk aia tlem lo reenlistment contract ziaktu sipaite tan a ni tih an sawi.

He thil hi sipaite ngaihven zawng leh an tuina thlunzawm tura incentives program danglam tak a ni tih 3rd Infantry Division thupuangtu Lt. Col. Angel Tomko chuan a sawi. Fort Stewart-a 9th Brigade Engineering Battalion-a sipai 130 zinga 20 chu 'GTA 6' vang hian sipaiah an ṭan chhunzawm tih Tomko chuan a sawi bawk. Battalion chuan career counselor thar neiin, kum 2027-a sipai reenlistment tur zat an duang nen inmil turin he program hi an kalpui a ni.Rockstar games 'GTA 6' hi kumin November 19 hian tlangzarh a ni ang.