ONE PIECE DAY '26 vawiin leh naktukah hmang dawn

Khawvel huapa anime ngainatu ten an nghahlelh, kum tina an hman ṭhin ‘One Piece Day’ chu August 22-23, vawiin leh naktuk hian Japan-ah neih a ni leh dawn. Khawvel huapa Manga leh Anime hlawhtling ber zinga mi Eiichiro Oda kutchhuak ‘ONE PIECE’ chawimawina kut tih a sawi bawk hi Makuhari Messe convention center, Chiba, Japan-ah hman a ni dawn a ni.

Kumin hian Bandai Namco, Shueisha leh Toei Animation te chuan YouTube kaltlangin main stage program pawimawh zawng zawngte a thlawna khawvel hmun hrang hrang aṭanga thlir theih turin an ruahman. Ni hnih awh tur kutah hian Stage Live Performance hmuhnawm tak tak te en tur a awm dawn bawk.

Elbaph Arc opening leh ending hla satute AiNA THE END leh 36km/h te bakah Hiroshi Kitadani leh Maki Otsuki te pawh mipuite hmaah an inlan dawn. Elbaph Arc voice cast panel thar te, ONE PIECE CARD GAME news thar te leh ‘WORLD TOP 100’ character popularity poll result pawh puan nghal a ni ang.