LBS Suzuki 1st Inter Branch YMA Band Contest Top 10 hriat ta!

Central YMA-in YMA branch-te tana zai leh rimawi hmanga intihsiak a buatsaih hmasak ber, 1st Inter Branch YMA Band Contest 2026-ah August 22 Inrinni zan khan a ṭha zual Top 10-te hriat a ni ta! Band Contest-ah hian Mizoram hmun hrang hrang aṭangin Branch 50 an tel a ni.

CYMA Band Contest-ah hian branch 50-in an band zai video an theh luh aṭangin Top 20 thlan a ni. Top 20-te chu August 18-20 chhungin Vanapa Hall-ah an intihsiak a, Inrinni zan August 22 zan khan result puan a ni. August 24 & 25 zanah Top 10 branch-te hi an intihsiak leh dawn a, August 26 zanah Top 5-a tlingte puan a ni ang. Top 5 branch-te August 27 zanah an intihsiak ang a, August 28 zanah result puan a ni ang.

Intihsiak hi Lalrinzauva Sailo, Zohmingthanga (Hmingpuia) leh Lalhmachhuana Hauhnar ten an endik. Intihsiaknaa tel band-te hi Mizo hla hmangin an intihsiak a, Mizo rimawi hmanrua 'traditional musical instrument' hmang tel ngei tur leh, Mizo thuam inbel ngei tura tih an ni bawk.