'How to Lose a Guy in 10 Days' sequel siam

Romantic comedy film kum 2003-a tihchhuah, 'How to Lose a Guy in 10 Days' sequel 'How to Lose a Guy 2' tih chu Paramount-ah siam tura hmalak mek niin, original star Kate Hudson chuan project hi a produce dawn a ni. Sequel siam hna hi bulṭan tawh niin, a changtu turte thlanna neih a la ni dawn.

Sequel-ah hian Hudson leh Matthew McConaughey-te chu an role ngai an chang leh tura tih an ni a, project atan hian screenwriter zawn mek a ni bawk. Producer zingah hian Hudson bakah Stacey Sher pawhin Shiny Penny banner kaltlangin a produce dawn a ni. 'How to Lose a Guy 2' kalhmang tur hi puan a la ni lo. Hudson hi nikuma tihchhuah 'Song Sung Blue' ah khan changin, he film hmang hian Oscar award-ah a vawi hnihna atan nominate a ni. Netflix-a sports comedy series, 'Running Point' ah a chang bawk.