September-ah Jisoo single thar

South Korean girl group BLACKPINK member, Jisoo chuan September 4 hian single thar a tlangzarh dawn. He hla hi 'Eyes Closed (feat Zayn)' tih nikum October thlaa tlangzarh a nih hnua hla a tihchhuah lehna hmasa ber tur a ni. He hla hi a full-length solo album hmasa bera single a ni bawk.

Music industry-in August 24-a thuchhuah a siamah, Jisoo hian September 4-ah hla thar a tlangzarh dawn a, a debut solo album tichhuak turin a inbuatsaih nghal dawn tih tarlan a ni. Jisoo hian hemi ni vek hian social media-ah teaser a post bawk a ni. Hla thar a tihchhuah tur title leh genre chu puan a la ni lo a, full-length album a tlangzarh hun tur pawh puan a la ni lo. Hla thar a tihchhuah tur music video hi Joseph Kahn direct a ni a, filming hi Thailand khawpui Bangkok-ah neih a ni.