OURBIRTHDAY-in an debut single copy 110,000 hralh chhuak

South Korean girl group thar JYP Entertainment subsidiary, Innit Entertainment hnuaia awm, OURBIRTHDAY chuan ni sarih chhungin an debut single copy 110,000 an hralh chhuak. He an hlawhtlinna hmang hian debut girl group album sales top 10-ah an lang nghal a ni.

OURBIRTHDAY member hi pasarih niin, chungte chu Jo Hyejin, Guk Chorok, Shin Hyewon, Yu, Baby, Achiraya leh Kirara-te an ni. An debut single hi 'Our Birthday' tih a ni a, August 19 khan tlangzarh niin ngaihven a hlawh nghal hle. August 26-a Hanteo Chart data-a a lan danin, he single hi tihchhuah a nih aṭanga kar khat chhung lekin copy 111,324 an hralh chhuak a ni. He debut single-ah hian hla pali a awm a; lead single chu 'Squeeze' tih niin, title track 'Our Birthday' tih leh 'Hungry (Side A)' leh 'Hungry (Side B)'-te an ni.