ESPN-in thla thar aṭangin streaming man tisang dawn

Khawvela infiamna chanchinbu leh TV a pek chhuah kawnga hmahruaitu lar ESPN chuan stream man a ti to ve dawn ta. Company direct-to-consumer streaming app-a thil en theihna hrang hrang awmna ‘ESPN Unlimited’ tier hman man thla tin USD 29.99 ni ṭhin chu USD 31.99 ah September 17, 2026 aṭang khian tihsan an tum tih an tarlang.

Subscription kum khat service man pawh USD 299.99 aṭangin USD 319.99-ah tihsan a ni dawn. Hei bakah hian ‘ESPN Select’ plan hi thla tin USD 12.99 aṭangin USD 13.99-ah tihsan a ni bawk ang. Hemi piah lamah Disney+, Hulu leh ESPN Select inkawp, bundle ho pawh thla tin USD 20 aṭanga USD 22 ah a sang chho tura ruahman a ni.

App siam a nih hnu leh an platform siam ṭhat a nih hnua a man an tihsan vawikhatna niin, khawvela app hrang hrang—Peacock, Netflix leh Disney platform hrang hrangten an service man an tihsan hnuah ESPN hian an streaming platfom-te aṭanga hman man chu an tisang ve dawn tih an tarlang.