YouTube-in creator-te Amazon product tag-a hlawh lak theihna kalpui

YouTube chuan content creator-te tana hlawh lak luhna hnar thar hawngin, Amazon products-te video-ah tag a, en tu ten an lei aṭanga comission hmuh aṭangin sum tlem azawng lo hlawh theihna an hmang thar tih Ningani khan an puang. Hmalakna thar hian US-a creator-te tan chauh a la hman theih a ni a, hlawh hmuhna kawng awlsam a hawng thar dawn a ni.

Amazon product-te hi heng creator-te format hman ṭhin hrang hrang video, Shorts leh livestream-ahte hman theih a ni dawn a, heng video hrang hrangah hian awlsam taka tag theih a ni ang. YouTube Shopping Affiliate Program kaltlang hian Amazon thil zawrh lar tak tak te awlsam takin a thlan chhuah theih tawh dawn bawk.

Hemi atan hian YouTube Studio-ah automatic product tagging te duan a ni bawk. Tun dinhmunah US creator-te tan chauh hman theih rih mah se, khawvel hmun hrang hrang aṭanga en tu te tan tag hi a hmuh theih a, creator-te chu YouTube Partner and Shopping Affiliate program-ah in ziah luh a ngai thung.