September-ah LE SSERAFIM comeback dawn

South Korean girl group LE SSERAFIM-te chuan, kumin May thlaa an full album 'PUREFLOW pt.1' tih an tlangzarh hnuah, an single album thar 'Made My Night' tih chu September 11 hian an tlangzarh dawn. An agency Source Music chuan August 28 khan, group member Kim Chaewon, Sakura, Heo Yunjin, Kazuha leh Hong Eunchae-te chuan single album, 'Made My Night' an tlangzarh dawn tih an puang a ni.

Source Music chuan album tlangzarh tur chawilarna atan, logo motion video an tlangzarh nghal bawk a ni. Logo motion video bakah an group chuan diary page pholangin, hetah hian content an neih tur hrang hrang tarlan a ni. September 7 hian highlight medley an nei dawn a, September 8-ah music video teaser an tichhuak bawk ang. Music video hi September 11 zanlaiah premiere a ni dawn a, hemi hunah vek hian digital leh physical album an tlangzarh dawn a ni. Album pre-order chu August 28, chawhma dar 11 aṭang khan hawn ṭan a ni bawk.