'Scooby-Doo' series-ah Andre Benjamin leh Cathy Moriarty

American media franchise animated series, 'Scooby Doo' live-action series chu Netflix-ah tihchhuah a ni dawn a, Andre Benjamin leh Cathy Moriarty-te chu a changtu tur zinga puan thar an ni. Series hi 'Scooby-Doo: Origins' tih a ni a, Atlanta-ah filming neih mek niin nakkumah premiere tura ruahman a ni.

Mystery Inc. gang chuan tunhnai khan series-a changturte hi an lo puang tawh a, chung zingah chuan Maxwell Jenkins-a'n Fred Jones lem a chang dawn a, Tanner Hagen-a'n 'Shaggy', Abby Ryder Fortson chuan Velma Dinkley leh Mckenna Grace chuan Daphne Blake lem a chang dawn a ni. Paul Walter Hauser pawh series-ah hian a inlan dawn nia sawi a ni a, a role tur erawh sawi chian a la ni lo. Series-a a changtu tur zingah hian Sara Gilber, Bruce McGill, Sherilyn Fenn leh midang eng emaw zat an tel.