Lee Know-a'n Nepal tuilian tuarte tan won mtd 100 hlan

South Korean boy band Stray Kids member, Lee Know chuan Nepal-a tuilian nasa tak tuar naupang leh chhungkuate tan won mtd 100 (USD 72,700) a hlan tih a agency, JYP Entertainment chuan nimin Pathianni khan an puang. Lee Know hian Zirtawpni khan international relief organization, World Vision Korea kaltlangin sum hi a donate a ni.

He sum hmang hian tuilian tuarte tan ei leh in, chen lailawkna tur, tui thianghlim leh inthiarna hmunte siam a ni dawn a ni. Lee chuan tuilian avanga harsa tawk mekte tana sum a thawh chuan eng emaw chenah a puih theih a beisei tih a thuchhuah siamah a tarlang. Lee Know hian mi dangte puih kawngah hma a lo la nasa hle tawh ṭhin a, kum 2024 khan World Vision-a global food crisis response program-ah won mtd 100 a lo pe tawh bawk a, Bob Pierce Honor Club member naupang ber a ni bawk. Nikum khan Seoul-a Samsung Medical Center-ah natna khirh tuar damlote puihna tur leh, cat rescue organization-ah won mtd 100 a lo pe tawh bawk a ni. South Korea khawchhak lama ram kang nasa tak leh, nikuma Hong Kong-a kangmei chhuak chhawmdawlna atan Stray Kids-a a member puite nen an thawk ho bawk.