Nashville Airport Dolly Parton hminga thlak tum

Country music icon, actress leh philanthropist Dolly Parton chu mi dangte tana malsawmna tam tak a lo thlen tawh ṭhinna avangin, a pianna state Tennessee chuan kumin August 25-a a thih aṭanga ni thum liam hnuah amah chawimawina atana Nashville International Airport, a hming chawia thlak tura rawtna siam tawh chu an thar thawh leh.

Hemi chungchangah hian Tennessee governor Bill Lee leh, Nashville International Airport chuan Zirtawpni khan thuchhuah inṭawm siamin, airport hming hi Dolly Parton hming chawia thlak tum a nih thu an puang. Lee chuan Dolly music, thil phalna, rinawmna leh mi dangte chunga ṭhat a lo chhuah tawh ṭhinnate chu theihnghilh a ni tawh dawn lo tih a sawi. Dolly Parton team-te pawhin airport hming thlak tumna chu an thlawp tih thuchhuah an siam. Dollywood Foundation leh Imagination Library hmangin Tennessee leh ramchhunga a thil ṭhatte pawh hriatreng a ni tawh dawn a ni, an ti.