Rimawi chhuak thar fan-te duh ber JENNIE hla thar ‘Fallen Angel’

Billboard-in rimawi chhuak thar zinga fante duh ber thlanna poll a buatsaih ṭhinah, karhmasa chhunga hla thar chhuak zingah BLACKPINK member JENNIE solo release thar ber 'Fallen Angel' chu fan-te duh ber a ni. Olivia Rodrigo, Ky-Mani Marley, Alex Warren, leh Alabama Shakes ten hla thar tichhuak ve bawk mah se JENNIE an tluk zo ta lo a ni.

JENNEI hla thar 'Fallen Angel' hian vote a hmu sang hle a, vote tla zawng zawng aṭangin 82.81% vote a hmu phak a, K-Pop lam zun a uai ṭhalai an la ṭhahnem hle tih a hriat theih. Pahnihnaah hian American singer, leh songwriter ni bawk Olivia Rodrigo pawh a hla thar 'Serena Joy' hmangin vote 6.92% a hmu phak a. Ky-Mani Marley hla 'Love and Energy' pawhin vote 5.14% hmuin pathumna dinhmun a luah lum pha ve bawk.