Korea Box Office No. 1 ah 'The Odyssey'

South Korean box office chart tharah chart hmasaa pakhatna, 'The Odyssey' chu No.1 ah a la awm chhunzawm. Korean Film Council enkawl KOBIS data-a a landanin, Christopher Nolan-a direct 'The Odyssey' hian admission 1,058,642 aṭangin USD mtd 8.7 a lak luh belh leh a, tlangzarh anih aṭanga a kar linaah South Korea-ah hian USD mtd 71.7 a la lut tawh a ni.

Pahnihnaah superhero blockbuster 'Spider-Man: Brand New Day' pawh la awm chhunzawmin, USD mtd 1.9 a lak luh belh a, sum a lak luh tawh zawng zawng chu USD mtd 65 a ni.Local family road-trip drama, 'The Journey to Gyeongju' chu pathumnaah awmin, admission 124,963 aṭangin USD 912,660 a la lut a ni. 'The End of Oak Street' chu palinaah awmin, admission 63,472 aṭangin USD 476,938 a la lut a ni. Local animated film, 'Teenieping: Legend of the Whale Heartstone' chu panganaah awmin, USD 283,019 a lak luh belh a, sum a lak luh tawh zawng zawng hi USD mtd 5.7 a tling.