‘Moon Knight’-a misual lema chang tur Ethan Hawke

Marvel Series ‘Moon Knight’-a a changtute zingah Ethan Hawke hming a ri tel ta a, he series-ah hian Oscar Isaac nen an inhmelma hle dawn a nih hmel.

Oscar Isaac hi title character Moon Knight/Marc Spector lema chang tur a ni a, Ethan Hawke hi misual lemah a chang thung dawn. Hemi chin bak hi tarlan mumal a awm lo thung a, Hawke hian eng character lem nge a chan dawn hriat a la ni lo.

Moon Knight (Marc Spector) hi fictional superhero niin Marvel Comics  Werewolf by Night #32 kum 1975-a tihchhuahah khan a lang hmasa ber a, Disney+ television series-ah live action hian tihchhuah a ni dawn a, MCU lamah a hmel kan hmu fo tawh dawn niin a lang.