Netflix Matilda: Miss Trunchbull lema chang tur Dame Emma Thompson

Netflix pek chhuah tur Matilda-ah Dame Emma Thompson chu headmistress thinchhe tak leh sual tak Miss Trunchbull lemah a chang dawn.

Roald Dahl novel film-a an siam thar leh turah hian kum 61 mi Emma Thompson hian thi si loin naupang a hran khum leh viau dawn niin a lang a, Matilda fan-te tan chuan a nghahhlehawm hle ang. 

He film-ah hian Matilda lemah Alisha Weir a chang dawn a, Matilda zirtirtu fel leh nunnem tak Miss Honey lemah Lashana Lynch chu a chang dawn bawk. Kum 2010-a tihchhuah  'Matilda the Musical' behchhan project an siam mekah hi Matilda hmasa nen khan eng angin nge a danglam dawn hriat a chakawm tawh hle a, hmeichhe naupang telekinesis nei, Matilda thawnthu hmasa nen khan a danglam vak erawh a rinawm loh. 'Matilda the Musical' director Matthew Warchus bawk kha he film siamna kawnga a hnarkaitu a ni a, chhuan thara Matilda hmelhriat nawn tir a chak tawh hle tih a sawi.

Kum 1996 khan Matilda film hi tihchhuah a lo ni tawh a, Mara Wilson chu Matilda lemah changin Pam Ferris chu Miss Trunchbull lemah a chang thung. Mara Wilson hi tunah chuan kum 33 lai a ni ve tawh a, a naupan laiin lar hle mah se kum 2000 hnu lamah khan film puitling a chang zui tawh lem lo a ni.